9 декабрь, Йома

12 июль 2010 йыл, 13:42

Көҙ Башҡортостанда граждандарҙы яҡлау айлығы үтәсәк

автор: Юлай Мәғсүмов

2010 йылдың 4 сентябренән 4 октябренә тиклем Башҡортостанда граждандарҙы яҡлау айлығы үткәреләсәк.  Был турала 2010 йылдың 8 июленән 746-сы бойороҡҡа БР Хөкүмәте Премьер-министры Раил Сарбаев ҡул ҡуйҙы. Документта әйтелеүенсә, айлыҡ халыҡты һәм территорияларҙы тыныс һәм һуғыш ваҡытында ғәҙәттән тыш хәлдәрҙән һаҡлауға әҙерлекте арттырыу маҡсатында үткәрелә.

РФ Ғәҙәттән тыш хәлдәр министрлығының БР буйынса Баш идаралығына БР Хөкүмәте ҡарамағындағы Ғәҙәттән тыш хәлдәр буйынса идаралыҡ менән берлектә 2010 йылдың 20 авгусына тиклем айлыҡ планын әҙерләргә һәм бөтә власть структураларына таратырға тәҡдим ителде.