7 декабрь, Шаршамбы

12 июль 2010 йыл, 11:40

Раил Сарбаев баш һалымсы менән таныштырҙы

автор: Михаил Сытин

Бөгөн оператив кәңәшмәлә Башҡортостан Республикаһы Хөкүмәте Премьер-министры Раил Сарбаев Федераль һалым хеҙмәтенең Башҡортостан Республикаһы буйынса идаралығының яңы етәксеһе Марат Вәхитов менән таныштырҙы.

Раил Сарбаев, Дүртөйлө районында тыуып үҫкән Марат Муса улы Вәхитов 1994 йылдан һалым органдары системаһында эшләне, ә 2005 йылдан алып БР буйынса Рәсәй күсемһеҙ милек идаралығы етәксеһе вазифаһын биләне, тип билдәләне.  

Рәсәй Федерацияһы Финанс министрлығының 2010 йылдың 5 июлендәге 674-се приказына ярашлы, Марат Вәхитов Федераль һалым хеҙмәтенең Башҡортостан Республикаһы буйынса идаралығы етәксеһе вазифаһына тәғәйенләнде.

Раил Сарбаев, һалым хеҙмәте эше юғары яуаплылыҡ һәм закон нормаларын ҡәтғи күҙәтеүҙе талап итә, тип һыҙыҡ өҫтөнә алды.