7 декабрь, Шаршамбы

09 июль 2010 йыл, 9:10

Профсоюздар студенттарға өҫтәмә стипендия менән ярҙам итәсәк

автор: Евгений Рәхимҡолов

Башҡортостан Республикаһы Профсоюздар федерацияһының Йәштәр советы юғары һәм урта махсус уҡыу йорттары студенттары иҫәбенән 2010-2011 уҡыу йылында профсоюз стипендияһы алыуға кандидатураларҙы ҡарауы тураһында иғлан итте.

Өҫтәмә финанс ярҙамы алырға теләүселәргә төп талаптар – уҡыуҙа юғары күрһәткестәр, профсоюзда ағзалыҡ һәм иң мөһиме – үҙ уҡыу йортоноң йәмәғәт тормошонда әүҙем ҡатнашыу.  

Хәҙерге ваҡытта юғары уҡыу йорттары студенттары өсөн айлыҡ профсоюз стипендияһы 1000 һум тәшкил итә, ә урта махсус уҡыу йорттары студенттары өсөн – 750 һум. Кандидатуралары раҫланған студенттарға стипендиялар профсоюз етәкселәре тарафынан тантаналы шарттарҙа 1 сентябрҙә тапшырыласаҡ.

темалар: профсоюздар