4 декабрь, Йәкшәмбе

08 июль 2010 йыл, 17:30

«Сеймал компанияһы» йәмғиәте ҡорамалдарын яңыртты

автор: Рәсүл Хәмиҙуллин

Ишембайҙың «Сеймал компанияһы» ябыҡ акционерҙар йәмғиәте яңы конуслы онтағыс һатып алды. Был турала предприятиеның коммерция бүлеге начальнигы Владимир Сухоруков хәбәр итте. Онтағыс менән Екатеринбургтан «Урал ауыр машиналар эшләү заводы» асыҡ акционерҙар йәмғиәте тәьмин итте.

— Был килешмә беҙҙең производствоны яңыртыу өлөшө булып тормай, — тине Владимир Сухоруков. – Элекке онтағыс иҫкерҙе, шуға күрә беҙ ҡорамалды яңырттыҡ ҡына.

Ул Ишембай районындағы «Шах-Тау 1» карьерының онтау-сортҡа айырыу фабрикаһында эзбизде онтау өсөн тәғәйенләнгән. Онталған эзбиз ике компанияға: «Сода» асыҡ акционерҙар йәмғиәтенә һәм «Төҙөлөш материалдары» ябыҡ акционерҙар йәмғиәтенә ебәреләсәк. Яңы конуслы онтағыс кәмендә 15 йыл хеҙмәт итер, тип көтөлә.      

темалар: сәнәғәт