3 декабрь, Шәмбе

06 июль 2010 йыл, 15:43

Иҫке Балтас ауылында ауыл хужалығы производствоһы белгестәре өсөн биҫтә төҙөлә

автор: Сергей Захаров

Төбәктең төньяҡ райондары буйынса эш сәфәре барышында Балтас районының район үҙәгендә — Иҫке Балтас ауылында Башҡортостан Президенты «2012 йылға тиклем ауылдың социаль үҫеше» Федераль маҡсатлы программаһы сиктәрендә төҙөлгән «Көньяҡ» биҫтәһе менән танышты.

Мортаза Рәхимов 90 урынға иҫәпләнгән балалар баҡсаһы төҙөлөшө майҙанын ҡараны. Буласаҡ балалар баҡсаһының ике ҡатлы бинаһында ҡыйыҡ ябыу эштәре тамамлана. Яҡын арала бында биналарҙың эске яғын биҙәү эштәре башланасаҡ.  Төҙөүселәр балалар баҡсаһын 1 сентябргә төҙөп бөтөргә вәғәҙә бирҙе. «Көньяҡ» биҫтәһендә был инде өсөнсө балалар баҡсаһы буласаҡ. Балалар баҡсаһы менән бергә бында 70 уҡыусыға иҫәпләнгән мәктәп,  фельдшер-акушерлыҡ пункты ла төҙөлә, инженер-юл инфраструктураһы булдырыла. Ауыл хужалығы производствоһы белгестәре өсөн төҙөлөүсе биҫтәгә 250 миллион һумдан ашыу аҡса һалынасаҡ.