7 декабрь, Шаршамбы

06 июль 2010 йыл, 13:03

Башҡортостанда вируслы талпан энцефалиты менән ауырыуҙың ике осрағы теркәлгән

автор: Ғәлиә Нәбиева

Әлеге ваҡытта Башҡортостанда вируслы талпан энцефалиты менән ауырыуҙың раҫлау тапҡан ике осрағы теркәлгән.

Рәсәй ҡулланыусылар күҙәтеүенең Башҡортостан Республикаһы буйынса идаралығы мәғлүмәте буйынса, 1 июлгә ҡарата республиканың дауалау-профилактика учреждениеларына талпан тешләүенән зыян күргән 13261 кеше мөрәжәғәт иткән. Шуларҙың 26%— балалар.

«Башҡортостан Республикаһында Гигиена һәм эпидемиология үҙәге» федераль дәүләт һаулыҡ һаҡлау учреждениеһы лабораторияһы менән 1 апрелдән 5562 талпан тикшерелгән, шуларҙың 95-енең (1,7%) талпан энцефалиты вирусы менән зарарланған булыуы асыҡланған.

Ваҡытында иммуноглобулин профилактикаһын үткәреү арҡаһында, уны 3179 кеше алған (мөрәжәғәт итеүселәрҙең 24%), ауырыуҙың таралыуына юл ҡуйылмаған.