5 декабрь, Дүшәмбе

05 июль 2010 йыл, 16:21

Күргәҙмәгә ҡуйылған балалар эштәре тыуған ил тураһында һөйләй

автор: Ольга Мортазина

Балалар һәм үҫмерҙәр клубтары, йәштәр үҙәге араһында үткән “Салауат хаҡында иҫтәлеккә” республика конкурсында финалға сыҡҡан эштәрҙән Өфөнөң Үҫмерҙәр китапханаһында күргәҙмә әҙерләнә. Конкурс йола буйынса Салауат көндәренә арнала һәм 2004 йылдан алып үткәрелә.

— Был ижади һәм патриотик конкурсҡа беҙ һынлы сәнғәт буйынса уҡымаған балаларҙы һәм йәштәрҙе йәлеп итәбеҙ, — тип һөйләне Йәштәр сәйәсәте, спорт һәм туризм министрлығынан белгес, проект кураторы Рита Рамаҙанова. — Тәҡдим ителгән темаға улар үҙенең ҡарашын пейзаж, портрет, халыҡ кәсептәре элементтары, әҙәби ижад аша белдерә.

Экспозицияны 130 эш тәшкил итәсәк, улар каникул аҙағынаса күргәҙмәлә торасаҡ.

темалар: конкурстар