Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.09 ↑

EUR 61.69 ↓

21 февраль, Шишәмбе

Уфа   °

Башҡортостан йәштәре «Селигер – 2010» Бөтә Рәсәй форумында ҡатнаша

Йәмғиәт

Башҡортостан йәштәр делегацияһы «Селигер-2010» Бөтә Рәсәй йәштәр мәғариф форумында ҡатнаша.

БР Йәштәр сәйәсәте, спорт һәм туризм министрлығынан хәбәр итеүҙәренсә, Өфө, Стәрлетамаҡ, Салауат, Мәләүез ҡалаларынан 18 кеше «Халыҡ-ара» һәм «Арт-парад» сменаларында ҡатнаша.

Рәсәйҙең башҡа төбәктәренән йәштәр менән бер рәттән беҙҙең егет һәм ҡыҙҙарыбыҙ илдең иң яҡшы уҡытыусылары менән тиҫтәләгән белем биреү программаларын тыңлау, шулай уҡ үҙ проекттарын йәмәғәт эшмәкәрҙәренә, бизнесмендарға, РФ Дәүләт Думаһы депутаттарына тәҡдим итеү мөмкинлегенә эйә булды.

«Селигер-2010» Форумының Халыҡ-ара сменаһы — ул уникаль майҙансыҡ, унда һәр ҡатнашыусы үҙ проектын тормошҡа ашырыуға әҙерләй ала. БР Йәштәр сәйәсәте, спорт һәм туризм министрлығының йәштәр ойошмалары менән эшләү бүлеге белгес-эксперты Галина Рященко һөйләүенсә, унда ҡатнашыу өсөн генә Рәсәйҙән, шулай уҡ сит илдәрҙән 5000-гә яҡын кеше йыйылған.    

«Арт-парад» сменаһының төп маҡсаты булып һәләтле йәштәрҙең ижади потенциалын яҡлау тора.

Башҡортостандан йәштәр делегацияһы 10 июлдән 19-ына тиклем үтәсәк «Мәғлүмәт ағымы», «Һин – эшҡыуар» һәм «Зворыкин проекты» сменаларында ла ҡатнашасаҡ.

Теги: йәштәр
Яндекс цитирования
Рейтинг ресурсов "УралWeb" -->
закрыть