7 декабрь, Шаршамбы

01 июль 2010 йыл, 12:09

Фулбрайт-Кеннан халыҡ-ара программаһы ғалимдар һәм сәнғәт эшмәкәрҙәренән гранттарға заявкалар ҡабул итеүҙе тамамлай

автор: Юлай Мәғсүмов

Фулбрайт-Кеннан программаһы йыл һайын көнүҙәк ижтимағи-сәйәси мәсьәләләрҙе өйрәнеүсе гуманитария һәм ижтимағи-сәйәси фәндәр өлкәһендәге тикшеренеүселәр өсөн 5-6 грант тапшыра.

Грант билдәле бер урында – Вильсон исемендәге халыҡ-ара үҙәктең Кеннан институтында (Вашингтон, Колумбия округы, АҠШ) тикшеренеү үткәреү өсөн бирелә.

Гранттарға конкурс нигеҙендә ирекле ғалимдар, ғилми-тикшеренеү институттары хеҙмәткәрҙәре, юғары уҡыу йорттары уҡытыусылары дәғүә итә. Претенденттарҙың һуңғы категорияһы өсөн ғилми дәрәжәгә эйә булыу мотлаҡ. Конкурста шулай уҡ этник, дини, мәҙәни мәсьәләләрҙе, кеше хоҡуҡтарын, халыҡ-ара мөнәсәбәтте өйрәнеүсе ғилми дәрәжәгә дәғүә итеүселәр ҙә ҡатнаша ала.

Документтар ҡабул итеүҙең һуңғы көнө — 2010 йылдың 15 июле. Тулыраҡ мәғлүмәт өсөн: http://www.fulbright.ru/ru/russians/kennan