4 декабрь, Йәкшәмбе

30 июнь 2010 йыл, 16:14

Рәсәйҙә бәләкәй бизнесҡа тағы биш миллиард һум бирәсәктәр

автор: Юлай Мәғсүмов

2010 йылда бәләкәй һәм урта эшҡыуарлыҡты үҫтереүгә дәүләт ярҙамы күрһәтеүгә федераль ҡаҙнанан биш миллиард һум күләмендә бюджеттан аҡса бүленәсәк. Был турала РФ Хөкүмәтенең 2010 йылдың 21 июнендәге 460-сы “2010 йылда бәләкәй һәм урта эшҡыуарлыҡ субъекттарына өҫтәмә дәүләт ярҙамы саралары тураһында” ҡарары һөйләй.  

Финанстар инновацион эшмәкәрлек алып барыусы бәләкәй һәм урта эшҡыуарлыҡ субъекттарына ярҙам менән бәйле сараларҙы тормошҡа ашырыу өсөн бүленәсәк. Шулай уҡ социаль-иҡтисади өлкәлә көрсөк айырыуса ныҡ сағылған күп профилле муниципаль берәмектәрҙең бәләкәй һәм урта эшҡыуарлығын үҫтереү муниципаль программаларына ла ярҙам күрһәтеләсәк.

темалар: эшҡыуарлыҡ