7 декабрь, Шаршамбы

30 июнь 2010 йыл, 10:00

Балалар лагерҙарын янғын хәүефһеҙлегенә тикшерҙеләр

автор: Ольга Мортазина

Дәүләт янғын күҙәтеү инспекторҙары, береһен дә ҡалдырмайынса, бар балалар һауыҡтырыу лагерҙарын тикшерҙе. Был балалар тәүлек әйләнәһенә йәшәгән 87 учреждение һәм 1303 мәктәптәрҙә асылған көндөҙгө лагерҙар.

Күҙәтеү ведомствоһы хеҙмәткәрҙәре 5891 хоҡуҡ боҙоу осрағын асыҡлаған. Күп осраҡта бындай хоҡуҡ боҙоуҙарға янғын тураһында иҫкәртеүсе системаларҙың һәм автомат янғын сигнализацияһы ҡулайламаларының юҡлығы йәки уларҙың төҙөк хәлдә булмауы, эвакуация юлдарының ҡәнәғәтләнерлек торошта түгеллеге, шулай уҡ тыш яҡтан һыу менән тәьмин итеүсе ҡулайламаларҙың юҡлығы йәки төҙөк хәлдә булмауы, туҙған, иҫке электр үткәргестәр инә.

77% етешһеҙлек бөтөрөлгән, ҡалғандарын Башҡортостан Хөкүмәте һәм Рәсәй Ғәҙәттән тыш хәлдәр министрлығының БР буйынса Баш идаралығы даими контролдә тота.