4 декабрь, Йәкшәмбе

29 июнь 2010 йыл, 9:35

БР Премьер-министры Раил Сарбаев: Техника үлән сабыуҙы ҡыҫҡа ваҡытта тамамларға мөмкинлек бирәсәк

автор: Михаил Сытин

Мал аҙығы әҙерләү техникаһын һатып алыуға республика бюджетынан йөҙ миллион һум бүленгән – тейешле ҡарарға Башҡортостан Республикаһы Хөкүмәте Премьер-министры Раил Сарбаев ҡул ҡуйған.

Машина-технологик станциялар өсөн техника һатып алыу ҡыҫҡа ваҡыт эсендә үлән мул үҫкән райондарҙа мал аҙығы әҙерләп, уны ҡоролоҡтан зыян күргән Урал аръяғы райондарына сығарырға мөмкинлек бирәсәк. «Башҡорт» МТС-ы ДУАХП-һы өсөн йәмғеһе 56 пресс-йыйыусы, шуларҙың 22 – төкләү һәм 34 – рулондарға ураусы, һатып алынасаҡ.

– Аҡсаны райондарға, МТС-ҡа алып барып еткерергә һәм халыҡты мал аҙығын тиҙ арала әҙерләүгә көйләргә кәрәк, — тине Раил Сарбаев.