5 декабрь, Дүшәмбе

25 июнь 2010 йыл, 14:59

Йәштәр делегацияһы Екатеринбургта Евразия иҡтисад форумында ҡатнаша

автор: Эльмира Сабирова

Башҡортостандың йәштәр делегацияһы 27 — 29 июндә Екатеринбургта үтәсәк III Евразия иҡтисад форумының ярымфиналында ҡатнашасаҡ. Уның составында — йәш ғалимдар, артистар һәм йәмәғәт берләшмәләре активистары. Форумдың йәштәр блогында улар «Традиция — модернизация нигеҙе» темаһына диссертация тәҡдим итәсәк.

БР Йәштәр сәйәсәте, спорт һәм туризм министрлығында билдәләүҙәренсә, был эштә йәштәребеҙ “йәмғиәтте һәм кешене лайыҡлы үҫтереү һәм модернизациялау нигеҙе нимәлә?” “хәҙерге мәғлүмәт йәмғиәтендә лидер ниндәй сифаттарға эйә булырға тейеш?” кеүек һорауҙарға яуап алырға маташты ла инде.

Әйткәндәй, был эш 1-2 июлдә Астана ҡалаһында (Ҡаҙағстан) III Астана иҡтисад форумы сиктәрендә үтәсәк ошондай уҡ сарала ла тәҡдим ителәсәк.  

темалар: йәштәр