Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.65

EUR 66.67

25 июнь, Йәкшәмбе

Уфа   °

Абдулхаҡ Игебаев – Башҡортостандың халыҡ шағиры

Йәмғиәт

Абдулхаҡ Игебаевҡа “Башҡортостан Республикаһының халыҡ шағиры” тигән маҡтаулы исем бирелде. Был турала Указға республика Президенты Мортаза Рәхимов ҡул ҡуйҙы.

Хәтерегеҙгә төшөрәбеҙ, Абдулхаҡ Хажмөхәмәт улы Игебаев 1930 йылдың 2 июлендә Баймаҡ районының Күсәй ауылында тыуған. Бик иртә ата-әсәһеҙ ҡала, балалар йортонда тәрбиәләнә. 1946 йылда Темәс педучилищеһын тамамлай. 1946 — 1950 йылдарҙа Башҡортостан педагогия институтында уҡый. 1969 — 1971 йылдарҙа — Мәскәүҙә СССР Яҙыусылар союзы ҡарамағындағы Юғары әҙәби курстарҙа. Оҙаҡ йылдар республика журналдарында һәм гәзиттәрендә: “Совет Башҡортостаны”, “Кызыл таң”, “Пионер”, “Ағиҙел” редакцияларында эшләй.

Шағирҙың тәүге шиғырҙары республика матбуғаты биттәрендә 1948 йылда күренә башлай. 1954 йылда уның тәүге "Йәшлек йыры" шиғырҙар йыйынтығы сыға.

Абдулхаҡ Игебаев – мөхәббәт, йәшлек романтикаһына дан йырлаусы лирик шағир. Юҡҡа ғына уның шиғырҙарына республикабыҙҙың билдәле композиторҙары көй яҙмаған бит. Һәм был йырҙар әле лә бик популяр: “Беренсе мөхәббәт”, “Йәшермәсе, иркәм”, “Күңел йәшлекте һағына”, “Тыуған яҡ”, “Ләйсән” һәм башҡалар. Ул 30-ҙан ашыу шиғри йыйынтыҡтар авторы.

Яндекс цитирования
Рейтинг ресурсов "УралWeb" -->
закрыть