2 декабрь, Йома

23 июнь 2010 йыл, 15:40

Ҡыйғы районы хакимиәте етәкселегендә үҙгәрештәр

автор: "Башинформ"

Бөгөн Ҡыйғы районы муниципаль районы Советы ултырышы үткәрелде, унда хакимиәт башлығы вәкәләттәрен ваҡытынан алда туҡтатыу һәм район хакимиәте башлығы вазифаһын ваҡытлыса башҡарыусыны тәғәйенләү тураһындағы мәсьәләләр ҡаралды.

Мәҡсүт Латипов, икенсе эшкә күсеү сәбәпле, үҙ теләге буйынса район хакимиәте башлығы вазифаһынан бушатылды.

Ҡыйғы районы хакимиәте башлығы вазифаһын башҡарыуҙы муниципаль район Советы депутаттары Ибраһимов Наил Рафаил улына йөкмәтте.

Наил Ибраһимов хакимиәт башлығы вазифаһын ошо вазифаға конкурс һөҙөмтәләре буйынса муниципаль район Советы тәғәйенләгән кеше үҙ вазифаларын үтәй башлағанға тиклем башҡарасаҡ.