8 декабрь, Кесе йома

22 июнь 2010 йыл, 10:45

Бөгөн Саранскиҙа дәүләт кадрҙар сәйәсәте буйынса ултырыш үтә

автор: Сергей Захаров

Бөгөн Саранскиҙа (Мордовия Республикаһы) Волга буйы федераль округы Координацион советының дәүләт кадрҙар сәйәсәте буйынса сираттағы ултырышы үтәсәк.

Ултырышта Башҡортостан Президенты Хакимиәте Етәксеһе Николай Курапов ҡатнаша.

Унда Волга буйы федераль округында дәүләт граждан хеҙмәткәрҙәренең һөҙөмтәлелеген һәм нәтижәлелеген баһалау мәсьәләләре буйынса фекер алышыу, шулай уҡ Рәсәй субъекттарында “Иң яҡшы граждан хеҙмәткәре” конкурсын үткәреү мөмкинлеген тикшереү планлаштырыла.

Белешмә. Координацион совет Рәсәй Президентының Волга буйы федераль округындағы тулы хоҡуҡлы вәкиле ҡарамағындағы Советтың ҡарарына ярашлы 2007 йылдың июнендә ойошторолған.

Уның маҡсаты: округ территорияһында берҙәм дәүләт кадрҙар сәйәсәтен ғәмәлгә ашырыуға шарттар тыуҙырыу.

Совет составына ил субъекттары башлыҡтары хакимиәттәре, аппараттары етәкселәре, ғилми һәм белем биреү учреждениелары вәкилдәре инә.