3 декабрь, Шәмбе

21 июнь 2010 йыл, 17:44

Беларусь аграрийҙары Башҡортостанға тоҡомло мал һәм элиталы орлоҡтар ташырға иҫәп тота

автор: Рәсүл Хәмиҙуллин

Башҡортостандың рәсми делегацияһының Беларусь Республикаһына эш сәфәре барышында агросәнәғәт комплексында хеҙмәттәшлек итеүҙең варианттары тикшерелде. Элекке союз республикаһы вәкилдәре Башҡортостанға тоҡомло мал һәм иген культураларының элиталы сорттарын ташырға ниәтләй.

БР Ауыл хужалығы министрлығының матбуғат хеҙмәте мәғлүмәте буйынса, республикабыҙҙың малсылыҡ комплекстарын Белоруссияла етештерелгән һауыу аппараттары менән йыһазландырыу мөмкинлеге лә отошло күренә. БР Хөкүмәте Премьер-министрының беренсе урынбаҫары – ауыл хужалығы министры Шамил Вахитов билдәләүенсә, картуф үҫтереү яҡын киләсәктә ике ил хеҙмәттәшлегенең перспективалы йүнәлешенә әйләнеүе ихтимал.