Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.51

EUR 67.89

23 октябрь, Дүшәмбе

Уфа   °

Мәсетлеләрҙең урындағы үҙидараны ойоштороу тәжрибәһе менән уртаҡлаштылар

Сәйәсәт

Свердловск өлкәһе муниципалитеттары етәкселәре делегацияһы ошо көндәрҙә Мәсетле районында булып китте. Уның составына Первоуральск ҡала округы хакимиәтенең эштәр менән идара итеүсеһе Азат Борханов, шулай уҡ Первоуральск ҡала округының ауыл территориаль идаралыҡтары башлыҡтары — Кузинск ауыл территориаль идаралығы башлығы Николай Ерохин, Билембай ауыл территориаль идаралығы башлығы Алик Истамғолов, Новоуткинск ауыл территориаль идаралығы башлығы Евгений Кукаркин, Новоалексеевск ауыл территориаль идаралығы башлығы Николай Лесун инде. Свердловск өлкәһе вәкилдәре мәсетлеләрҙең урындағы үҙидараны ойоштороу тәжрибәһен өйрәнергә килгән.  

Күршеләрҙе Мәсетле районы сигендә ҡаршы алдылар. Делегация Оло Ыҡтамаҡ, Абдулла ауыл Советтары ауыл биләмәләре хакимиәттәренең эше менән танышты, социаль өлкә, мәҙәниәт объекттарына, шулай уҡ «Ҡарағай» санаторийына һәм ата-әсәләре менән балалар өсөн республика пульмонология санаторийына барҙы. Район буйлап сәфәрҙә уларҙы муниципаль район Советы секретары Альберт Сәғҙәтов оҙатып йөрөнө.

Свердловскиҙар Мәсетле районында ауылдарҙы төҙөкләндереүгә ҙур иғтибар бүленеүен билдәләне. Күрше төбәк муниципалитеттары етәкселәре территориаль йәмәғәт үҙидаралыҡтары эше, ауылдарҙа старосталарҙың, шулай уҡ йәмәғәт берекмәләренең эшмәкәрлеге менән танышты.

Яндекс цитирования
Рейтинг ресурсов "УралWeb"
закрыть