5 декабрь, Дүшәмбе

21 июнь 2010 йыл, 11:57

Башҡорт йүгереүсеһе Рәсәйҙә яңы юниорҙар рекорды ҡуйҙы

автор: Дмитрий Слезин

Чебоксарсарҙа еңел атлетика буйынса Рәсәй беренселегендә Башҡортостан спортсыһы Гөлшат Фазликинова биш мең метрға йүгереүҙә яңы юниорҙар рекорды ҡуйҙы.

Ул дистанцияны 15 минут 45,08 секундта үтеп, 1989 йылда уҡ Ольга Назаркина (15.50.00) өлгәшкән элекке ҡаҙанышты арттырҙы (20 йәшкә тиклемге юниорҙар).

Рәсәйҙең был беренселеге 2010 йылдың июль аҙағында Канадала үтәсәк юниорҙар араһында донъя беренселегенә һайлап алыу туры булып тора.

темалар: еңел атлетика