3 декабрь, Шәмбе

18 июнь 2010 йыл, 9:01

«Зәлифә» һабантуйҙа йырлаясаҡ

автор: Евгений Рәхимҡолов

Шәмбе көндө Өфөнөң Орджоникидзе районындағы Иҫке Турбаслы ауылында һабантуй үткәреү планлаштырыла. «Башинформ» агентлығына район хакимиәтенең матбуғат хеҙмәтенән хәбәр итеүҙәренсә, байрамда Ҡала мәҙәниәт һарайының, Орджоникидзе районы Мәҙәниәт һәм халыҡ ижады үҙәгенең ижади коллективтары һәм артистары сығыш яһаясаҡ. Шулай уҡ ҡунаҡтар Турбаслының «Зәлифә» вокаль ансамбле йырлауын тыңлай аласаҡ.

Һабантуй сиктәрендә иң яҡшы милли аш-һыуға конкурс, милли көрәш, сатраш, волейбол буйынса турнирҙар үткәреү ҡаралған. Шулай уҡ Бөтә Рәсәй халыҡ иҫәбен алыуға арналған викторина ойоштороласаҡ. Һабантуй байрам дискотекаһы менән тамамлана.

Байрам иртәнге 11 сәғәт 30 минутта башлана.

темалар: һабантуй