4 декабрь, Йәкшәмбе

11 июнь 2010 йыл, 17:55

Бөтә донъя башҡорттары ҡоролтайы Башҡарма комитетының тәүге «Алтын Ҡурай» ордены кавалерҙары

автор: Николай Ермоленко

Башҡорт дәүләтселегенең башында торған, башҡорт милли хәрәкәтенең күренекле эшмәкәрҙәре Әхмәт-Зәки Вәлиди һәм уның көрәштәштәре Юныс Бикбов менән Муллайән Халиков Бөтә донъя башҡорттары ҡоролтайы Башҡарма комитетының «Алтын Ҡурай» орденының тәүге кавалерҙары булды. Башҡортостан Республикаһы Хөкүмәте Премьер-министры Раил Сарбаев III Бөтә донъя башҡорттары ҡоролтайының йомғаҡлау пленар ултырышында ордендарҙы уларҙың нәҫелдәренә: Әхмәт-Зәки Вәлидиҙең улы – Сүбидәй Туғанға, Юныс Бикбовтың ҡыҙы – Наилә Сәлиховаға тапшырҙы. Муллайән Халиковтың наградаһы уның исемен йөрөткән йәмәғәт фонды рәйесе Фәнил Шәриповҡа тапшырылды.