9 декабрь, Йома

09 июнь 2010 йыл, 9:23

Өфө өс байрамға әҙерләнә

автор: Евгений Рәхимҡолов

Өфө Ҡала көнөн, Рәсәй көнөн һәм Салауат Юлаев көндәрен байрам итеүгә әҙерләнә. Байрам алдынан республиканың баш ҡалаһында бер нисә рәсми һәм мәҙәни-тамаша саралары планлаштырылған.  

10 июндә, мәҫәлән, Салауат Юлаев һәйкәленә сәскәләр һалыу тантанаһы үткәреләсәк. Бынан һуң Салауат Юлаев исемендәге майҙанда “Беҙ бергә” байрам программаһы башлана.

11 июндә Ҡала мәҙәниәт һарайында «Интернет-Өфө 2010» сайттар конкурсының финалы үткәрелә. Ошо уҡ көндө Нижегородка биҫтәһендәге “Йәдкәр” мәҙәниәт йортонда — «Бәхет хаҡында йырлай Өфө» күңел асыу программаһы, ә Яңы Черкассы ҡасабаһындағы «Заря» мәҙәниәт йортонда «Өфө – Башҡортостан Республикаһының йөрәге» концерт программаһы ойошторола. Төп байрам саралары иһә ҡалала 12 июнгә билдәләнгән.

темалар: байрамдар