4 декабрь, Йәкшәмбе

08 июнь 2010 йыл, 12:00

Өфөлә «Косметология-Professional» махсус күргәҙмәһе асылды

автор: Рәсүл Хәмиҙуллин

Бөгөн Өфөлә «Косметология-Professional» махсус күргәҙмәһе асылды.

Уны ойоштороусылар иҫәбендә – Өфө ҡалаһы ҡала округы хакимиәте, Башҡортостан күргәҙмә компанияһы, Башҡортостан Республикаһының Сауҙа-сәнәғәт палатаһы, Башҡорт дәүләт медицина университеты.

Бөгөнгә был төбәгебеҙҙәге косметология һәм эстетик медицина өлкәһендәге берҙән-бер тар махсус күргәҙмә ваҡиғаһы. Унда ҡатнашыусылар матурлыҡ салондары өсөн ҡорамалдар һәм профессиональ косметика күрһәтә, үҙ-үҙеңде тәрбиәләү буйынса консультациялар үткәрә. Бында килеүселәр теоретик белем алыу ғына түгел, заманса beauty-индустрияның өр-яңы ҡаҙаныштарын да күрәсәк.

Экспозицияла Башҡортостандың төрлө ҡалаларынан һәм Рәсәйҙең башҡа төбәктәренән 40-тан ашыу компания ҡатнаша. Күргәҙмәнең төп ваҡиғаһы булып косметология буйынса ҡала конкурсы торасаҡ.

9 июндә күргәҙмә сиктәрендә массаж технологиялары форумын асыу үткәрелә, уны ойоштороусы – Башҡортостан массаж яһаусылар ассоциацияһы. «Косметология-Professional» күргәҙмәһе үҙ эшен 10 июндә тамамлай.