3 декабрь, Шәмбе

07 июнь 2010 йыл, 17:53

Башҡортостанда төҫлө металдарҙың ҙур ятҡылыҡтары үҙләштерелә

автор: Рәсүл Хәмиҙуллин

200 миллион тонна самаһы — әлеге ваҡытта Башҡортостанда эшкәртелеүсе иң эре "Юбилей" һәм "Подольск" ятҡылыҡтарындағы дөйөм мәғдән запасы ошо күләмдә билдәләнгән. Был Рәсәйҙәге иң эре төҫлө металл ятҡылыҡтарының береһе. Уларҙы эшкәртеүгә лицензия "Башҡортостан баҡыры" яуаплылығы сикләнгән йәмғиәтенә бирелгән.

«Башинформ» агентлығына Башҡортостан республикаһы буйынса Ер аҫты байлыҡтарын файҙаланыу идаралығы начальнигы урынбаҫары Александр Черновтың хәбәр итеүенсә, «Юбилей» алты руда ятҡылығын үҙ эсенә ала. Шуларҙың өсәүһе — асыҡ ысул менән, ҡалғандары ер аҫты ысулы менән эшкәртеләсәк. Баҡыр, цинк, алтын, көмөш мәғдәндең төп мөһим компоненттары булып тора. Был металдарҙың байтаҡ өлөшө «Подольск» ятҡылығында ла табылған.