Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 57.02 ↑

EUR 61.53 ↑

30 март, Кесе йома

Уфа   °

Раил Сарбаев Өфөнөң балалар баҡсаларын үҫтереү программаһын әҙерләргә ҡушты

Йәмғиәт

БР Хөкүмәте Премьер-министры Раил Сарбаев баш ҡала хакимиәте башлығы Павел Качкаевҡа балалар баҡсаларында урындар етешмәүен бөтөрөү буйынса махсус программа әҙерләргә ҡушты.  

Баш ҡалала бөгөн ҡала мәғарифы системаһында 228 мәктәпкәсә учреждение иҫәпләнә, улар иҫәбендә — 221 балалар баҡсаһы һәм 7 башланғыс мәктәп-балалар баҡсаһы, унда 39 меңдән ашыу бала тәрбиәләнә.

2005 йылдан Өфөлә 17 балалар баҡсаһы индерелгән. Уларҙан 12-һе – элек икенсе ойошма итеп үҙгәртелгән балалар баҡсаларынан ғәмәлдәге селтәргә ҡайтарылған, ә 5-һе – яңынан төҙөлгән.

— Балалар баҡсаларынын балалар менән тәьмин ителеше 130-140 процент тәшкил итә, — тине Премьер-министр Раил Сарбаев, — һәм балаһын мәктәпкәсә учреждениеға урынлаштырыу – күп ата-әсәләр өсөн ысынлап та ҙур проблема. Ҡайһы берәүҙәр бала тыуыу менән сиратҡа баҫа.  

Өфөлә мәктәпкәсә балалар учреждениеһына ҡабул итеүгә сират 2010 йылдың 1 ғинуарына 17269 кеше тәшкил итте. Павел Качкаев әйтеүенсә, был «миҙгелле» һан һәм ул көҙгә яртыһынан ашыуға кәмейәсәк. Ләкин шулай кәмегән хәлдә лә проблема үҙенең көнүҙәклеген юғалтмай.

— Раил Салих улы оҙайлы ваҡытҡа махсус программа әҙерләргә ҡушты, — ти Өфө хакимиәте башлығы, — һәм ул Хөкүмәт ултырыштарының береһендә тикшереүгә ҡуйыласаҡ.  

Премьер-министр, йылына бер мәктәпкәсә учреждение индереү менән проблеманы хәл итеп булмаясаҡ, комплекслы программа кәрәк, тип һыҙыҡ өҫтөнә алды.

Яндекс цитирования
Рейтинг ресурсов "УралWeb" -->
закрыть