11 декабрь, Йәкшәмбе

01 июнь 2010 йыл, 15:44

Дүрт райондың ауыл хужалығы предприятиелары көнбағыштың рәт араһын эшкәртеүҙе тамамланы

автор: Ғәлиә Нәбиева

Архангел, Благовещен, Илеш, Шаран районы эшсәндәре көнбағыш сәсеүлегендә рәт араһын йомшартыуҙы тамамланы. БР Ауыл хужалығы министрлығының матбуғат хеҙмәте мәғлүмәте буйынса, Ейәнсура, Ишембай, Ҡырмыҫҡалы, Күгәрсен, Кушнаренко, Көйөргәҙе, Мәләүез, Стәрлебаш, Стәрлетамаҡ, Туймазы, Федоровка, Саҡмағош райондары ауыл хужалығы предприятиеларының культиваторҙары планлаштырылған майҙандарҙың яртыһын эшкәрткән.

Бишбүләк, Дәүләкән, Кушнаренко, Көйөргәҙе, Мәләүез райондары эшсәндәре шәкәр сөгөлдөрө сәсеүлектәренең күп өлөшөндә эшкәртеү үткәргән.

Параллель рәүештә химик утау алып барыла. Бишбүләк, Благовар, Бүздәк, Дәүләкән, Кушнаренко, Мәләүез, Шишмә районы аграрийҙары шәкәр сөгөлдөрө сәсеүлектәрен ҡый үләндәренә ҡаршы препараттар менән тулыһынса эшкәрткән.