8 декабрь, Кесе йома

01 июнь 2010 йыл, 15:07

Һалым түләмәүселәргә бының өсөн енәйәт яуаплылығы ҡаралыуын иҫкә төшөрөп торасаҡтар

автор: Юлай Мәғсүмов

Һалым, йыйым, пени һәм штраф түләү тураһында требование формаһына үҙгәрештәр индерелгән. РФ Федераль һалым хеҙмәтенең 2010 йылдың 26 апрелендәге ММВ-7-8/202@ һанлы приказына ярашлы һалым түләүселәргә һалым түләмәгән осраҡта енәйәт яуаплылығы ҡаралыуы хаҡында хәбәр ителәсәк.  

Бындай иҫкәртеү яҙылған текст требованиеның тейешле формаһына индерелгән. Унда һалымдың ваҡытында түләнмәй ҡалған өлөшөн (недоимка), пени һәм штрафтарҙы тулы күләмендә һәм ваҡытында түләмәгән осраҡта һалым инспекцияһы РФ Һалым кодексының 32-се статьяһының 3-сө пунктына ярашлы енәйәт эше ҡуҙғатыу тураһында мәсьәләне хәл итеү өсөн материалды эске эштәр органына ебәрәсәк, тип яҙылған.