4 декабрь, Йәкшәмбе

01 июнь 2010 йыл, 10:13

Профсоюздар федерацияһы балалар өсөн байрам ойоштора

автор: Әлфиә Әһлиуллина

Бөгөн, 1 июндә, Башҡортостан Республикаһы Профсоюздар федерацияһы Өфөнөң Ленин районы хакимиәте һәм «Алые паруса» йәштәр-үҫмерҙәр клубтары берләшмәһе ҡатнашлығында Профсоюздар йорто алдындағы майҙанда «Профсоюздар — балаларға» традицион байрамын үткәрә. Ул Халыҡ-ара балаларҙы яҡлау көнөнә арнала.

Байрамда балалар әүҙем уйындарҙа ҡатнаша, асфальтта балалар һүрәттәре конкурсында үҙ оҫталыҡтарын күрһәтә аласаҡ.

Ошонда уҡ йыл һайын үткәрелгән «Беренсе май. Хеҙмәтсәндәр. Профсоюздар» профсоюз республика балалар һүрәттәре конкурсы еңеүселәрен наградлау тантанаһы үтәсәк, быйыл ул Бөйөк Ватан һуғышында Еңеүҙең 65 йыллығына арнала.