9 декабрь, Йома

28 май 2010 йыл, 15:16

Рим Әхмәдовтың «Одолень-трава» китабының яңы баҫмаһы сыҡты

автор: Любовь Колоколова

Зәйнәб Биишева исемендәге Башҡортостан «Китап» нәшриәтендә билдәле яҙыусы Рим Әхмәдовтың «Одолень-трава» китабы нәшер ителде. Был 1999 йылда уҡ сығарылған, күптәр оҡшатҡан китаптың яңы баҫмаһы.

Халыҡ дауалаусыһы-үлән белгесе, Рәсәй Яҙыусылар союзы ағзаһы Рим Билал улы Әхмәдовтың исеме республикала һәм унан ситтә лә яҡшы билдәле. Тыуған яғын, Башҡортостан үҫемлек донъяһының шифалы үҙенсәлектәрен өйрәнеү уның ғүмерлек эшенә әйләнде.

«Одолень-трава» китабы ауырыуҙарҙың исемдәре менән бүлектәрҙән тора. Һәр сырхауға шифалы үҫемлектәр исемлеге, уларҙы һүрәтләү һәм улар менән дауаланыу ысулдары бирелә. Китап киң уҡыусылар даирәһе өсөн тәғәйенләнгән.

“Одолень-трава” китабын әле үк “Китап” нәшриәтенең фирма магазиндарында һатып алырға йәки почта аша заказ биреп алдырырға мөмкин.  

темалар: нәшриәт эше