6 декабрь, Шишәмбе

28 май 2010 йыл, 14:03

Башҡорт балы - Омскиҙағы бал фестивалендә

автор: Любовь Колоколова

Омскиҙа, «Континент» сауҙа-күргәҙмә үҙәге алдындағы майҙанда, бөтә Рәсәй бал фестивале асылды. Ул татлы һәм шифалы продукт етештереүсе Башҡортостан, Краснодар һәм Алтай крайы, Төньяҡ Осетия һәм башҡа Рәсәй төбәктәре вәкилдәрен йыйҙы.

Фестивалде ойоштороусыларҙың хәбәр итеүенсә, ул ике тематик бүлектән тора. Беренсеһе (аҙыҡ-түлек бүлеге) бал, умартасылыҡ продукттарын, алкоголһеҙ эсемлектәрҙе, краснодар сәйен үҙ эсенә ала. Икенсе бүлектә — киң ҡулланыу тауарҙары. Бында биҙәү-ҡулланма сәнғәте әйберҙәрен, халыҡ кәсебе өлгөләрен, һәр төрлө сувенир продукцияһын һатып алырға мөмкин ине.  Нимәһе ҡыҙыҡ, сортына ҡарап, бер килограмм бал 300 һумдан алып 1200-гә тиклем баһалана.