Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.35 ↑

EUR 63.18 ↑

20 ғинуар, Йома

Уфа   °

«Урал моңо-2010»да Башҡортостандан ҡатнашыусылар билдәләнде

Йәмғиәт

Төрки йәштәр музыкаль ижадының «Урал моңо-2010» халыҡ-ара конкурс-фестивалендә Башҡортостандан солистар Гөлсәсәк Фазлаева, Юнир Һағынбаев, Айгөл Үтәгәнова, Айҙар Хәмзин һәм Гөлнур Ҡарабулатова ҡатнашасаҡ. Шулай уҡ ике музыкаль коллектив – «Арғымаҡ» төркөмө һәм «Карауанһарай» фольклор-эстрада төркөмөнөң йәш составы ҡатнашыуы көтөлә. Конкурсанттарҙың исемдәре Башҡортостан Республикаһынан ҡатнашыусылар араһынан һайлап алыу туры йомғаҡтары буйынса билдәләнде.

Хәтерегеҙгә төшөрәбеҙ, «Урал моңо» конкурс-фестивале Өфөлә 1991 йылдан ике йылға бер тапҡыр үткәрелә. Быйыл ул 3 июндән 5-нә тиклем үтәсәк.

Фестивалдең ойоштороу комитетынан хәбәр итеүҙәренсә, конкурсҡа Ҡаҙағстан, Төркмәнстан, Азербайжан, Ҡырым Автономиялы Республикаһынан, Рәсәй Федерацияһының Марий Иле, Алтай, Дағстан, Татарстан, Саха (Якутия), Ҡабарҙа-Балҡар, Ҡарасәй-Черкесия, Бүрәт, Тыва республикаларынан 50-нән ашыу башҡарыусы һәм ижади коллективтар саҡырылған.

Сараны ойоштороусылар «Башҡортостан» телерадиокомпанияһы дәүләт унитар компанияһы менән берлектә фестивалдә ҡатнашыусылар менән яңы  проект төшөрөргә планлаштыра.  

Яндекс цитирования
Рейтинг ресурсов "УралWeb" -->
закрыть