4 декабрь, Йәкшәмбе

27 май 2010 йыл, 16:22

«Каустик» Өфөлә нефть-газ тармағы өсөн продукция тәҡдим итте һәм партнерҙар менән һөйләшеүҙәр үткәрҙе

автор: Эльвира Латипова | фото: Гүзәл Хабдулина

Коррозия ингибиторҙарын һәм нефть-газ комплексында файҙаланылған башҡа төрлө продукцияһын тәҡдим итә «Газ. Нефть. Технологиялар-2010» күргәҙмәһендә Стәрлетамаҡтың «Каустик» асыҡ акционерҙар йәмғиәте. 20 квадрат метр майҙанда урынлашҡан экспозицияла компания менән етештерелгән продукцияның ассортименты хаҡында тулы мәғлүмәт бирелә.

Хәтерегеҙгә төшөрәбеҙ, күргәҙмә ошо көндәрҙә Өфөнөң Спорт һарайында бара.

Унда «Каустик» асыҡ акционерҙар йәмғиәте белгестәре, шул иҫәптән генераль директор Ан Ен Док та булып китте. «Каустик» йәмғиәтенең мәғлүмәт һәм йәмәғәтселек менән бәйләнештәр бүлегенән хәбәр итеүҙәренсә, продукцияны ҡулланыусылар һәм ҡорамалдар менән тәьмин итеүселәр, ғилми-тикшеренеү институты вәкилдәре, химия предприятиелары өсөн яңы эшләнмәләр авторҙары менән  һөйләшеүҙәр үткәрелгән.