8 декабрь, Кесе йома

26 май 2010 йыл, 17:06

Вируслы талпан энцефалиты менән сирләү осраҡтары теркәлмәгән

автор: Ғәлиә Нәбиева

Башҡортостан вируслы талпан энцефалиты буйынса эндемик территория булып тора. Роспотребнадзорҙың Башҡортостан буйынса идаралығынан хәбәр итеүҙәренсә, йыл һайын халыҡ араһында сирләү осраҡтары теркәлә. Былтыр ошондай 75 осраҡ күҙәтелде.

Иҫкәртеү маҡсатында вируслы талпан энцефалитына ҡаршы прививкалар яһала. 2009 йылда 31200 кешегә прививка яһалды.

Быйыл вируслы талпан энцефалиты буйынса хәл имен. 20 майға ҡарата республиканың дауалау-профилактика учреждениеларына талпан тешләгән 5276 кеше мөрәжәғәт итте, шуларҙың 29 проценты — балалар.

Әлеге ваҡытҡа вируслы талпан энцефалиты менән сирләү осраҡтары теркәлмәгән.