5 декабрь, Дүшәмбе

26 май 2010 йыл, 10:25

Өфөгә кредит линияһын астылар

автор: Юлай Мәғсүмов

2010 йылдың 24 майында Өфө хакимиәте ҡала бюджеты дефицитын ҡаплау өсөн 1 йылда түләү шарты менән дөйөм суммаһы 100 миллион һумға яңыртылмаусы кредит линияһын асыу буйынса хеҙмәт күрһәтеүгә аукцион үткәрҙе.

Аукционда «Связь-банк» акционерҙар коммерция банкы асыҡ акционерҙар йәмғиәте, «Росбанк» АКБ асыҡ акционерҙар йәмғиәте, «Газэнергопромбанк» ябыҡ акционерҙар йәмғиәте һәм «Уралсиб» асыҡ акционерҙар йәмғиәте ҡатнашты. Йылына 6,95 процент күләмендәге минималь ставка тәҡдим иткән «Газэнергопромбанк» ябыҡ акционерҙар йәмғиәте аукционда еңеп сыҡты.

Кредит ресурстарын йәлеп итеү буйынса финанс консультант булып «Инвестицион агентлыҡ» асыҡ акционерҙар йәмғиәте сығыш яһаны, тип хәбәр иттеләр «Башинформ» агентлығына Өфө хакимиәтенең мәғлүмәт – аналитика бүлегенән.