Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.70 ↓

EUR 69.40 ↑

15 декабрь, Йома

Уфа   °

Ҡаҙағстан һәм Ленинград өлкәһе делегациялары бизнес-форумда ҡатнашасаҡ

Иҡтисад

Ҡаҙағстан һәм Ленинград өлкәһе бизнес-делегациялары «Газ. Нефть. Технологиялар-2010» XVIII Халыҡ-ара махсус күргәҙмәһендә эшләү һәм өс яҡлы бизнес-форумда ҡатнашыу өсөн Өфөгә килә.

Нефть-газ күргәҙмәһе иртәгә, 25 майҙа, Өфөнөң Спорт һарайында асыла. Өс яҡлы бизнес-форум Өфөлә 26 майҙа К.Маркс урамы, 3 адресы буйынса үтәсәк.

Ҡаҙағстан делегацияһын Төньяҡ-Ҡаҙағстан өлкәһенең Эшҡыуарлыҡ һәм сәнәғәт идаралығы начальнигы урынбаҫары Жасулан Шаймерденов һәм Ҡаҙағстан Сауҙа-Сәнәғәт палатаһының тышҡы иҡтисади бәйләнештәр бүлеге начальнигы Галина Дворцова етәкләй.

Башҡортостан Сауҙа-сәнәғәт палатаһы матбуғат хеҙмәтенән хәбәр итеүҙәренсә, сауҙа-иҡтисад миссияһы составына «Петропавловск ауыр машиналар эшләү заводы» акционерҙар йәмғиәте, «ПВП «Сервис-Внедрение», «Севимсталькон», «Munai invest Ko», «Прометей» яуаплылығы сикләнгән ширҡәттәре, «Риэлт-сервис», «Пластконструкция» компаниялары, «Тиҙ төҙөлгән биналар һәм ҡоролмалар заводы» яуаплылығы сикләнгән ширҡәте һәм Петропавловск торбалар заводы вәкилдәре инәсәк. Бизнес-форумда шулай уҡ Ҡаҙағстан Республикаһының Башҡортостан Республикаһы буйынса Тулы хоҡуҡлы вәкиле Айна Унбаева ҡатнашасаҡ.

Ленинград өлкәһе делегацияһын өлкә Сауҙа-сәнәғәт палатаһы вице-президенты Рөстәм Сафиуллин етәкләй. Уның менән бергә Өфөгә «ВИАСМ» асыҡ акционерҙар йәмғиәте,   «КРОНА» ябыҡ акционерҙар йәмғиәте һәм «Север Трейд Плюс» яуаплылығы сикләнгән йәмғиәте етәкселәре килә.

Яндекс цитирования
Рейтинг ресурсов "УралWeb"
закрыть