6 декабрь, Шишәмбе

18 май 2010 йыл, 13:36

Милли китапханала Германиянан әҙәбиәт яңылыҡтары ҡуйылды

автор: Әлфиә Әһлиуллина

Әхмәт-Зәки Вәлиди исемендәге Башҡортостан Республикаһы Милли китапханаһының немец теле уҡыу залы теләүселәрҙең барыһын да 2008-2009 йылғы әҙәбиәт яңылыҡтары күргәҙмәһенә саҡыра.

Милли китапхананың сит телдәрҙәге баҫмалар бүлеге мөдире Индира Хәйретдинова хәбәр итеүенсә, был һайланма баҫмалар Германияла Франкфурт китап йәрминкәһенә ҡуйылған булған. Улар араһында — классиканан авангардҡа тиклем хәҙерге заман немец яҙыусыларының, абруйлы әҙәби премиялар лауреаттарының иң яҡшы эштәре.

— Был күргәҙмә – күсмә, ул Гете исемендәге Немец мәҙәни үҙәге (Мәскәү) һәм Гете исемендәге институт (Мюнхен) ярҙамында ойошторолған. Ике аҙнанан китаптар илебеҙ китапханаларының башҡа немец залдарына оҙатыласаҡ, — ти Индира Рәил ҡыҙы.

темалар: китапханалар