11 декабрь, Йәкшәмбе

14 май 2010 йыл, 15:28

Дәүләт граждан хеҙмәтенә кандидаттарҙың мәғлүмәттәрен тикшереү тураһында Указ

автор: БР Президентының матбуғат хеҙмәте

Башҡортостан Республикаһы Президенты Мортаза Рәхимов «БР дәүләт граждан хеҙмәте вазифаларын биләүгә дәғүә итеүсе граждандар һәм БР дәүләт граждан хеҙмәткәрҙәре биргән мәғлүмәттәрҙең дөрөҫлөгөн һәм тулылығын, БР дәүләт граждан хеҙмәткәрҙәренең вазифауи тәртибенә ҡарата талаптарҙы күҙәтеүҙе тикшереү тураһында» Указға ҡул ҡуйҙы.

Документ преамбулаһында әйтелеүенсә, был «Коррупцияға ҡаршы тороу тураһында» Федераль законға, Рәсәй Федерацияһы Президентының 2009 йылдың 21 сентябрендәгне «Федераль дәүләт хеҙмәте вазифаларын биләүгә дәғүә итеүсе граждандар һәм федераль дәүләт хеҙмәткәрҙәре биргән мәғлүмәттәрҙең дөрөҫлөгөн һәм тулылығын, федераль дәүләт хеҙмәткәрҙәренең вазифауи тәртибенә ҡарата талаптарҙы күҙәтеүҙе тикшереү тураһында» 1065-се Указына ярашлы эшләнде.  

Указ рәсми баҫылып сыҡҡан көндән алып көсөнә инә.