5 декабрь, Дүшәмбе

14 май 2010 йыл, 15:08

Дауыл тураһында иҫкәртеү көсөндә ҡала

автор: Ғәлиә Нәбиева

Кисә республиканың бер нисә районында көслө дауыл һәм йәшендәр үтте. Хатта баш ҡалала ла секундына 15 метрға тиклем ел иҫеүе теркәлде. Башҡортостан буйынса дауыл тураһында иҫкәртеү бөгөн дә көсөндә ҡала. Башгидромет синоптиктарының күҙаллауҙарынса,  бөгөн көндөң икенсе яртыһында тотороҡһоҙ көсһөҙ ел иҫәсәк. Йәшен ваҡытында ел секундына 21-26 метрға тиклем етеүе ихтимал.  Бындай һауа торошо төньяҡ-көнсығыш райондарҙа ғына көтөлә.  Йәшендәр күп осраҡта ямғырһыҙ үтәсәк.

— Йәшен һәм киҫкен ел-дауылдар республиканың төньяҡ-көнсығышының йылы һәм һыуыҡ һауа фронты осрашҡан зонаға тура килеүе менән аңлатыла, — тине Башгидрометтың баш синоптигы Анна Казаева. – Ял көндәрендә тыныс, эҫе көндәр торасаҡ. Ямғырҙар әлегә көтөлмәй.