11 декабрь, Йәкшәмбе

14 май 2010 йыл, 11:48

Төркиәлә Дельфий уйындары жюрийына башҡорт фоторәссамы Рәмил Килмәмәтов инде

автор: Әхәт Салихов

Анкарала Халыҡ-ара йәштәр фестивале башланды, унда донъяның 80 иленән өс меңдән ашыу кеше ҡатнаша. Фестиваль сиктәрендә Төркиәлә тәүге тапҡыр Дельфий уйындары үткәрергә планлаштырыла. Ижади конкурс дүрт номинация буйынса үтәсәк: халыҡ йыры, халыҡ бейеүе, һынлы сәнғәт һәм фотоға төшөрөү.

Быйыл ТӨРКСОЙ фоторәссамдарының Әхмәт-Зәки Вәлиди Туған йылына һәм башҡорт милли байрамы – һабантуйға арналған Ижади лабораторияһын үткәрергә планлаштырыу менән бәйле, фото сәнғәте буйынса жюри составында билдәле башҡорт фото рәссамы Рәмил Килмәмәтов эшләйәсәк.