9 декабрь, Йома

14 май 2010 йыл, 8:58

Өфөлә «Башҡортостан ынйылары» республика фестивале еңеүселәрен бүләкләйәсәктәр

автор: Эльмира Сабирова

«Башҡортостан ынйылары» республика халыҡ ижады фестиваленә 14 майҙа БР Мәғариф министрлығының Республика уҡыусы йәштәре мәҙәниәт үҙәгендә йомғаҡ яһаласаҡ. Быйылғы конкурс Бөйөк Еңеүҙең 65 йыллығына арналды.

«Башинформ» агентлығына ойоштороусыларҙың хәбәр итеүҙәренсә, фестивалдә башланғыс һөнәри белем биреүсе 20 учреждение коллективы ҡатнашҡан.

Жюри беренсе урынды бүлешкән Балтас районының 87-се профессиональ училищеһы менән Стәрлетамаҡтың 3-сө профессиональ училищеһы йәштәрен иң яҡшылары тип баһалаған.  Икенсе урында — Стәрлебаш районынан 107-се училище вәкилдәре, өсөнсөлә -  Нефтекаманан 59-сы профессиональ лицей уҡыусылары.

Конкурс еңеүселәренә дипломдар, маҡтау грамоталары һәм бүләктәр тапшырыласаҡ.

темалар: фестивалдәр