3 декабрь, Шәмбе

13 май 2010 йыл, 15:51

Раил Сарбаев Мәскәүҙә «Электрон Хөкүмәт» проекты менән таныштыра

автор: Сергей Захаров

Бөгөн Мәскәүҙә «Башкортостан Республикаһының электрон Хөкүмәте» проектын презентациялау үткәрелә. Был ваҡиға РФ Элемтә һәм киң коммуникациялар министрлығы, РФ Сәнәғәт һәм сауҙа министрлығы ярҙамында "ЭЛЕМТӘ-ЭКСПОКОММ-2010" халыҡ-ара телекоммуникацион ҡорамалдар, идара итеү системалары, мәғлүмәт технологиялары һәм элемтә хеҙмәтләндереүҙәре күргәҙмәһендә үтә.

Башҡортостан Республикаһы делегацияһын Хөкүмәт Премьер-министры Раил Сарбаев етәкләй. Уның составында беренсе вице-премьер, БР финанс министры Айрат Ғәскәров һәм республиканың мәғлүмәт технологиялары өлкәһендәге төп предприятиелары вәкилдәре.

Тәҡдим ителгән проект, күп эксперттарҙың фекеренсә, бик үҙенсәлекле – был федерация субъекты кимәлендә Рәсәйҙә беренсе юридик мөһим ведомство-ара документтар әйләнешенең тулы системаһы.