3 декабрь, Шәмбе

11 май 2010 йыл, 16:36

Ижевскиҙа федераль һабантуй-2010 үтәсәк

автор: Марина Шумилова

Удмуртияның баш ҡалаһы – быйыл 250 йыллығын билдәләүсе Ижевск федераль һабантуй-2010 үткәрәсәк.

Электрон киң мәғлүмәт саралары хәбәр итеүенсә, Удмуртия тәүге тапҡыр Рәсәйҙең башҡа төбәктәре менән үҙ биләмәһендә был милли байрамды үткәреү хоҡуғы өсөн ярышты.

Һабантуй-2010-ға әҙерләнгәндә төп йүнәлештәрҙең береһе — ҡаланың ат сабыштары үтәсәк ипподромын ашығыс реконструкциялау. Яңыртылған ипподром Ижевскиҙың юбилейына яҡшы бүләк буласаҡ. Һабантуй-2010 ике көн буйына ҡаланың ике йәки өс майҙанында бер үк ваҡытта үтәсәк, тип планлаштырыла. Ҡағиҙә булараҡ, байрам ваҡытында 20-нән ашыу төрлө спорт һәм милли ярыштар үткәреләсәк. Федераль һабантуйҙа Рәсәйҙең 60 төбәгенән 1000-гә яҡын ҡунаҡ ҡатнашыуы көтөлә.

темалар: һабантуй