9 декабрь, Йома

11 май 2010 йыл, 11:39

«Салауатбыяла» конкурентының акцияларын һатып ала

автор: Рәсүл Хәмиҙуллин

Табаҡлы төҙөлөш һәм автомобиль быялаһы етештереүсе «Салауатбыяла» асыҡ акционерҙар йәмғиәте «Саратовстройстекло» асыҡ акционерҙар йәмғиәтенең 100 процент акцияһын һатып алыу тураһында килешеүгә ҡул ҡуйҙы. Килешеү суммаһы 40 миллион доллар тәшкил итә, акцияларҙың номиналь хаҡынан был дүрт тапҡырға ҡыйбатыраҡ. «Башинформ» агентлығына “Салауатбыяла» йәмғиәтенән хәбәр итеүҙәренсә, аҡса 24 майҙа түләнергә тейеш. Бының өсөн предприятиеға 14 майға тиклем акцияларҙы һатып алыуға Федераль монополияға ҡаршы хеҙмәттең ризалығын алырға кәрәк.

Бөгөнгө көндә Салауат предприятиеһы илебеҙҙә 18 процент самаһы табаҡлы флоат-быяла етештерә. Сауҙа килешеүенән һуң «Салауатбыяла» үҙенең позицияһын айырыуса нығытасаҡ һәм Рәсәй баҙарының өстән бер өлөшөн контролдә тотасаҡ.