3 декабрь, Шәмбе

09 май 2010 йыл, 13:15

Сибайҙа «Еңеү яҙы» театрлаштырылған тамашаһы бара

автор: Сергей Захаров

Сибайҙа бөгөн Бөйөк Еңеүҙең 65 йыллығына арналған тантаналы митинг үтте.  Ҡала скверында «Мәңгелек ут» обелискы алдында Бөйөк Ватан һуғышы ветерандары, ҡаланың почетлы граждандары, ҡала Советы депутаттары,  хакимиәт, предприятие һәм ойошмалар, ҡаланың уҡыу йорттары вәкилдәре йыйылды.

«Труд» стадионында ошо минуттарҙа профессиональ һәм үҙешмәкәр ижади коллективтар ҡатнашлығында «Еңеү яҙы» театрлаштырылған тамашаһы, «Эх, фронт юлы!» концерты бара, байрам йәрминкәһе ойошторолған. Сибай халҡы “хәрби шарттарҙа” әҙерләнгән ялан кухняһы ризыҡтарынан ауыҙ итә ала.

Һәр төрлө майҙандарҙа армрестлинг, гер спорты, сатраш, өҫтәл теннисы, бокс, грек-рим көрәше, билбауҙа көрәш буйынса турнирҙар, күңелле старттар үткәрелә. Бөгөн ир-егеттәр командалары араһында волейбол буйынса ҡала беренселеге еңеүсеһе һәм футбол буйынса кубок эйәһе асыҡланасаҡ.  

Бөйөк Ватан һуғышы ветерандары өсөн әҙерләнгән төп байрам сараларынан һуң «Зәңгәр уттар» ойоштороласаҡ.

темалар: Еңеү көнө