Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.89

EUR 69.42

18 декабрь, Дүшәмбе

Уфа   °

Өфөлә яңы мәсет һалына башланы

Йәмғиәт

Өфөнөң Дим районында яңы собор мәсете төҙөлә башланы. Бының өсөн бүленгән участка Гатчино урамындағы парк зонаһында урынлашҡан. Проектты «Экопроект «Вакар» яуаплылығы сикләнгән йәмғиәтенең архитектура-планлаштырыу оҫтаханаһы эшләгән.

Ойошма белгестәре әйтеүенсә, Димдәге яңы ҡоролма күп ҡырлы ике ҡатлы бинанан торасаҡ. Уның уртаһында асылып етмәгән сәскә бөрөһө формаһында матур манара урынлаштырыласаҡ. Бинала ирҙәр өсөн 106 урынлыҡ һәм ҡатын-ҡыҙҙар өсөн айырым 55 урынлыҡ ғибәҙәт ҡылыу залы буласаҡ. Объектты 2012 йылда тапшырырға планлаштырыла.

Уның заказсыһы – Дим районы мосолмандарының Дини берекмәһе. Мәсет төҙөүгә төп финанс средстволары граждандарҙың ирекле иғәнәләре иҫәбенә йыйылған.

Был мәсет Димдә берҙән-бер яңы дини ҡоролма булмаҫ, моғайын. Бында шулай уҡ Андрей Первозванный православие ғибәҙәтханаһын төҙөргә йыйыналар. Бөгөнгә был проектты тормошҡа ашырыу ваҡыты билдәләнмәгән әле.

Яндекс цитирования
Рейтинг ресурсов "УралWeb"
закрыть