6 декабрь, Шишәмбе

06 май 2010 йыл, 17:47

Ишембай һәм Яңауыл Еңеүҙең 65 йыллығы алдынан шашкала ярышты

автор: Дмитрий Слезин

Ишембайҙа гимназия һәм мәктәп-интернат командалары араһында “Еңеү Кубогына” шашка турниры үтте. Ярыштар Еңеүҙең 65 йыллығына арналды.

Беренсе урынды һәм күсеп йөрөүсе "Еңеү Кубогын" Ишембайҙан 2-се Башҡорт республика гимназия-интернаты командаһы яуланы (Әмир Абдрахманов, Гөлназ Әбүбәкерова, Руфина Әйүпова һәм Юлиә Сафина).

Икенсе урын Ишембайҙың 1-се гимназияһы командаһына эләкте, “бронза” —И.Шәмуҡсинов исемендәге гимназия шашкасыларында (Яңауыл).

Ошо уҡ ваҡытта Яңауылда Бөйөк Еңеүҙең юбилейына арналған шашка турниры үтте.

Ҡала шашка федерацияһы менән Яңауыл ҡалаһы һәм Яңауыл районы хакимиәте ойошторған спорт байрамына ветерандар һәм тыл хеҙмәтсәндәре саҡырылды.

Турнир башланыр алдынан шашка яратыусылар өсөн Стәрлетамаҡтан халыҡ-ара гроссмейстер Муродулло Амриллаев менән бер үк ваҡытта уйын сеансы ойошторолдо.

Был ярыштарҙа Булат Шәймәрҙәнов еңде.

темалар: шашка