7 декабрь, Шаршамбы

06 май 2010 йыл, 11:12

Оло Ыҡтамаҡ ауылында Үҙәк район мәсете асылды

автор: Марина Шумилова

Мәсетле районының хакимиәт үҙәге – Оло Ыҡтамаҡ ауылында Үҙәк район мәсете асылды. Тантаналы сарала БР мосолмандары Диниә назараты рәйесе мөфтөй Нурмөхәмәт Ниғмәтуллин, район хакимиәте башлығы Юнир Солтанов, республиканың бер нисә район һәм ҡалаларынан имам-хатибтар ҡатнашты. Үҙәк район мәсете имам-хатибы Әнис Ҡазыхановҡа Аллаһы Тәғәлә йортонан символик асҡыс һәм иҫәпһеҙ бүләктәр тапшырылды.

Дини ғәмәлдәрҙән һуң ҡатнашыусыларҙың барыһы ла ҡорбанға салынған мал итенән әҙерләнгән былауҙан ауыҙ итте. Әйтергә кәрәк, ҡорбан малын Үҙәк район мәсете асылыуға район хакимиәте башлығы Юнир Солтанов менән райондың баш табибы Алек Яруллин биргән.

темалар: дин