4 декабрь, Йәкшәмбе

29 апрель 2010 йыл, 14:31

Ҡаһирәләге Башҡортостан студенттары тормошо тураһында Рәмил Килмәмәтов эштәре Мәсетле районында күрһәтелде

автор: Евгений Рәхимҡолов

Башҡортостан Республикаһы мосолмандары Диниә назаратының Мәсетле районы Оло Ыҡтамаҡ ауылында үткән күсмә пленумы ваҡытында РФ һәм БР-ҙың атҡаҙанған мәҙәниәт хеҙмәткәре, БР Фоторәссамдар ойошмаһы рәйесе Рәмил Килмәмәтовтың “Әл-Әзһәр” халыҡ-ара ислам университетында белем алыусы Башҡортостан студенттары тормошо тураһындағы фотоэштәре күрһәтелде.

Бар республиканан пленумға йыйылған дин хеҙмәткәрҙәренә Ҡаһирәлә уҡыусы студенттарыбыҙҙың ялы, көнкүреше, уҡыуы тураһында дөйөм алғанда 27 эш тәҡдим ителде. Артабан был фотоһүрәттәр БР мосолмандары Диниә назаратында күргәҙмәгә ҡуйыласаҡ, ә көҙгөһөн Өфөлә “Әл-Әзһәр”гә визиты йомғаҡтары буйынса Рәмил Килмәмәтовтың ҙур фотокүргәҙмәһен ойоштороу күҙаллана.