5 декабрь, Дүшәмбе

29 апрель 2010 йыл, 11:51

Өфө властары профсоюздар менән берлектәге эш перспективаларын тикшерҙе

автор: Евгений Рәхимҡолов

БР Профсоюздар федерацияһы етәкселегенең Өфө хакимиәте башлығы Павел Качкаев менән осрашыуы ваҡытында социаль партнерлыҡ һәм алдағы Беренсе Май байрамдарына әҙерлек өлкәһендә берлектәге эш тикшерелде.

БР Профсоюздар федерацияһы матбуғат хеҙмәтенән хәбәр итеүҙәренсә, Павел Качкаев йыйылыусыларға ҡаланың 2009 йылдағы һәм 2010 йыл башындағы иҡтисади ҡаҙаныштары, шулай уҡ Өфөлә социаль партнерлыҡты тормошҡа ашырыу тураһында һөйләне. Уның әйтеүенсә, бөгөн ҡала предприятиеларында 1270 коллектив  договор ғәмәлдә. БР Профсоюздар федерацияһы рәйесе Әмирхан Сәмерханов хеҙмәт бәхәстәре буйынса комиссияларҙың эш йомғаҡтарын уҡып ишеттерҙе.

Осрашыу барышында Беренсе Май байрамдарына әҙерлек һәм территориаль өс яҡлы комиссияларҙың эше тикшерелде. Өфө райондарында комиссияларҙың ҡала комиссияһына ҡарағанда эште һүлпәнерәк алып барыуы билдәләнде. Район комиссиялары профсоюз яғы менән консультациялар тураһында хакимиәт йөкләмәләрен күп ваҡыт үтәмәй, район башлыҡтары Өфө предприятиеларының профсоюз конференцияларында һирәк ҡатнаша.