6 декабрь, Шишәмбе

27 апрель 2010 йыл, 11:25

Синоптиктар ҡар вәғәҙә итә

автор: Ғәлиә Нәбиева

27-28 апрелдә республикала һалҡын һауа торошо һаҡланасаҡ. Уртаса һауа температураһы норманан 3-5 градусҡа түбәнерәк буласаҡ.

— Республика райондарының күбеһендә ҡар ҡатыш ямғыр яуыуы көтөлә, — тине “Башгидромет” ойошмаһының баш синоптигы Анна Козаева. — Төндә минус биш градусҡа тиклем һыуытыуы көтөлә, көн аяҙытҡанда термометр бағанаһы минус 10 градусҡа тиклем төшөүе ихтимал.

Көндөҙ ҙә ярайһы уҡ һалҡын буласаҡ – ни бары 2-7 градус ҡына йылы. 29 апрелдән аҡрынлап йылыта башлаясаҡ.

Яҡынса күҙаллауҙар буйынса, 1 майҙа көндөҙ һауа 12-17 градусҡа тиклем йылынасаҡ. Бер аҙ яуым-төшөм булыуы ихтимал. 2-3 майҙа болоттар таралырға тейеш. Шул саҡта республикаға сираттағы йылы тулҡын киләсәк.